Palman an Islann te pase yon lwa lendi apremidi pou mete fen nan grèv mekanik Icelandair ki te dire 16 èdtan. Plizyè vòl Icelandair soti nan Islann nan Ewòp te retade 12 èdtan.
Prezidan komite negosyasyon mekanisyen Icelandair a, Kristjan Kristjansson, eksprime gwo desepsyon nan desizyon gouvènman an te pran pou revoke dwa sendika a fè grèv lè li pase yon lwa. Yon Minis Palman an di peyi a pa kapab peye yon konfli travay kounye a akoz ekonomi li fèb akòz efondreman nan sektè bank li an oktòb 2008.
Anvan grèv la, sendika mekanisyen an te rejte òf Icelandair pou ogmante salè 11 pousan. Ofisyèl gouvènman yo di ke revandikasyon mekanisyen yo pa rezonab nan limyè de sitiyasyon ekonomik peyi a. Chomaj pre 9 pousan, ki se yon gwo rekò depi Dezyèm Gè; salè travayè yo an jeneral diminye akòz rediksyon nan lè siplemantè ak ogmantasyon salè pwograme yo te negosye deja yo te retade.
Mesye Kristjansson fè remake ke pilòt Icelandair yo te negosye yon pi gwo ogmantasyon salè de sa yon koup de semèn e ke konpayi avyon an okipe e sèvis mekanik nan Islann yo mwens chè pase nan pifò peyi an Ewòp, paske devalorizasyon 50 pousan lajan lokal la nan mwa Oktòb 2008.
Orè Icelandair a sipoze tounen nan lòd nan Madi.
